На вчерашната седница на Централниот одбор, СДСМ ги одреди министрите, вицепремиерите и дополнителните заменици министри во преодната влада која треба да стапи на должност на 28ми јануари 2024 година.

За дополнителен заменик министер, СДСМ преку Централниот одбор го именуваше Митко Бојмалациев.

Бојмацалиев е шеф на кабинет на актуелниот министер за внатрешни работи Оливер Спасовски, речиси од првите месеци откако беше назначен за министер за внатрешни работи и станува збор за докажан професионалец кој одлично ја познава структурата и хиреаријата во МВР.

Во 2017 година, заедно со министерот за внатрешни работи Оливер Спасовски започнавме да го утврдуваме концептот „МВР за граѓаните” – полиција во служба на граѓаните. Благодарение на неговата визија и пожртвуваност, заеднички успеавме да ја изградиме македонската полиција како вистински сервис на граѓаните, гарант на нивната безбедност и сигурност.

Останавме блиски со граѓаните и работевме во партнерство со нив и во периодот кога Спасовски ја предводеше Владата на Република Северна Македонија. Како резултат на континуираната работа кон поставените стратешки цели, изминатиот период го одбележавме како најбезбедна земја во регионот, со најдобри резултати во изминатите 30 години во борбата против недозволената трговија со дрога, организираниот криминал и корупцијата, илегалната миграција, сајбер криминалот, итн.

Тоа е концептот по кој се раководам и за кој ќе се борам и по 28 јануари 2024 година.

Продолжуваме со „МВР за граѓаните” – транспарентна и отчетна полиција, која нема да биде во служба на ничиј друг интерес освен на граѓаните!

Искрена благодарност до членовите на Централниот одбор на Социјалдемократскиот сојуз на Македонија, за укажаните чест и доверба да бидам дополнителен заменик министер во Министерството за внатрешни работи. – напиша тој на својот фејсбук профил.

Напишете коментар

Вашата адреса за е-пошта нема да биде објавена. Задолжителните полиња се означени со *